Tal e como estaba previsto, na xornada deste sábado 8 de febreiro celebrábase a X edición da Festa do Botelo do Barco que reuníu a 230 persoas (aforo completo) no Hotel Finisterre.
O programa comezaba coa entrega de acreditacións e inicio do Túnel do Viño, dirixido por dous expertos sumillers do equipo de Luis Paadín, no que se presentaron referencias de máis de 30 viños da Denominación de Orixe Valdeorras.
E xa en torno ás 14:30 horas comezaba o xantar cun menú composto por empanada de maravallas e sopa de cocido; botelo, chourizos, cachelos e repolo; e bica. Todo, servido con viños godello e mencía de Valdeorras, e rematado con café e selección de licores de Valdeorras.
A festa, á que acudían o propio alcalde do Barco, Alfredo García e a concelleira de Cultura, Margarida Pizcueta, incluía música en directo no propio restaurante.
A última Festa do Botelo do Barco deste ano será o vindeiro 8 de marzo ano Hotel Coia de Vigo.
Fotos cedidas.
