Cun artista de luxo conta este ano a Asociación A Rabiosa da Portela de Portomourisco (Petín-Larouco) para anunciar a súa Festa do Caldo. O actor Fran Nogueira (nado en Ferrol pero con orixes na Rúa onde vén moi a medudo) protagoniza o spot no que anuncia a través das redes a terceira edición da cita gastronómica que se celebrará o vindeiro sábado 22 de febreiro.
Será a partir das 14 horas na praza da festa cun menú a base de caldo a esgalla, carne do caldo, torta de roxóns, viño, auga, café de pota e licores.
As entradas da festa (15 euros) estarán á venda ata o domingo 16 de febreiro.
