Na tarde do 15 de xuño o alcalde de Larouco, Joaquín Bautista Prieto, mantiña unha xuntanza en Santiago coa conselleira do Medio Rural, Ángeles Vázquez. No decurso do encontro abordaban diversos asuntos relacionados coa mellora do agro neste municipio ourensán e da calidade de vida dos seus veciños.
En concreto, a xuntanza centrouse, entre outros temas, nas posibles vías de cooperación en relación coa adquisición de maquinaria para o seu uso por parte do Concello, segundo se informa dende Medio Rural.
