Este San Valentín a Asociación Centro Comercial Aberto (CCA) Obarcoaberto regalará flores aos clientes. En concreto, repartiranse 300 flores de Gerbera durante o martes 14 de febreiro, en horario comercial de 10:00 a 13:30 horas e de 17:00 a 20:30 horas, entre os/as veciños/as tanto na rúa como dentro dos establecementos asociados.
Do total das flores, trinta delas terán premio que consiste nun vale de desconto de 10€ que se poderá trocar nos establecementos asociados. Os barquenses que reciban as flores deberán comprobar na etiqueta suxeita ás mesmas se está premiada ou non. No caso de estalo, o dono da flor poderá cambiar a etiqueta pola súa vale na oficina do CCA O Barco (rúa España, 1).
Para a repartición, contarase cunha persoa encargada de entregar, de forma aleatoria, as flores de San Valentín.
Con esta campaña queremos visibilizar a asociación e aos nosos asociados, ao mesmo tempo que dinamizamos o espazo comercial e de lecer celebrando cos nosos clientes a data máis romántica do calendario.
