ConcellosO BarcoTrivesÚltima hora

O Barco e Trives únense para impulsar a Via Nova romana, co apoio do Eixo Atlántico

Solicitarase unha xuntanza co conselleiro de Cultura e invitarase a implicarse aos concellos polos que pasa esta calzada, así como á Deputación Provincial de Ourense

Publicidade
Ponte Bibei, pola que pasa a Via Nova./ Foto: Carlos G. Hervella.

 

O alcalde do Barco, Alfredo García, o primeiro tenente de alcalde do Concello da Pobra de Trives, Miguel Sierra, e a concelleira de Educación trivesa, Cristina Paz Elías, mantiñan esta mañá en Braga (Portugal) unha xuntanza co presidente da Cámara Municipal da poboación lusa, Ricardo Río, e o secretario xeral do Eixo Atlántico, Xoán Vázquez Mao, para estudar a posta en marcha de accións conxuntas en torno á Via Nova, a calzada romana Via XVIII do Itinerario Antonino (que unía as antigas urbes de Astorga e Braga).

A reunión celebrada esta mañá xurdiu pola iniciativa do alcalde do Barco e a alcaldesa da Proba de Trives, Patricia Domínguez, ao considerar que a Via Nova pode ser un gran nexo de unión para a posta en marcha de diferentes iniciativas de tipo cultural e turístico nos municipios polos que pasa esta estrada romana.

O presidente da Cámara Municipal de Braga, Ricardo Río, acolleu moi positivamente a idea, e todos os asistentes á xuntanza mostráronse totalmente de acordo en comezar un proxecto conxunto, co Eixo Atlántico como nexo de unión, para a partir de agora desenvolver iniciativas de desenvolvemento interterritorial.

 

Imaxe da reunión en Braga (Portugal)./ Foto cedida.

 

Unha das primeiras actuacións será a solicitude dunha xuntanza co conselleiro de Cultura, Educación e Universidade, Román Rodríguez González, para darlle a coñecer a proposta de promocionar a Via Nova para o desenvolvemento de proxectos nos concellos galegos e portugueses polos que pasa a ruta, e solicitar o apoio da Xunta de Galicia para a súa posta en marcha.

Tamén se invitará a unirse a esta iniciativa a outros concellos situados no traxecto da Via Nova, así como á Deputación Provincial de Ourense, pola súa implicación no Eixo Atlántico.

Artigos relacionados

Back to top button