O 2024 está sendo un bo ano para o piloto barquense Jorge Paradelo ao que se lle están dando moi ben as carreiras nas que participa.
A última era a carreira do Campionato Galego de Motocros disputada este domingo 17 de novembro no Circuíto de Taboexa, no concello pontevedrés de As Neves, no que competía xunto a preto de medio cento de pilotos, subindo ao segundo chanzo do podio. “E iso que na primeira volta tirárono e tivo que volver a empezar case de cero pero deuselle moi ben”, asegura o seu pai que o acompaña sempre que pode para darlle asistencia. O primeiro posto era para Iago Martínez.
A seguinte cita para Jorge será en Córdoba para participar na última carreira do Campionato de España de Enduro, no que vai de cuarto na xeral.
Fotos cedidas.
