Os de Javi Ferrer vencían 3-0 no partido de ida de semifinais disputado no Aguillón
Moi positiva foi para os rueses a tarde do 6 de maio no campo do Aguillón. Primeiro xogaba o equipo feminino que goleaba ao Atlético Estrada e de seguido tocáballe o turno ao equipo sénior do C.D. Rúa que se estreaba no play off polo ascendo cunha importante vitoria 3-0 ante o Santa Teresita.
Os rueses comezaban o partido moi centrados no xogo, creando ocasións ata que Rober marcaba o primeiro gol local no minuto 19. Os outros dous tantos foron de Lora, no minuto 46 e de penalti xa no 79′.
O Rúa xógase o ascenso a primeira autonómica, por iso moitos afeccionados se achegaron ata o campo de futbol para ver o partido e animar ao equipo que xogará o partido de volta de semifinais o vindeiro domingo.
Fotos: Mónica G. Bellver.
