Continúan as actividades e excursións no campamento intantil de verán que se está a desenvolver en Carballeda de Valdeorras, e na xornada deste martes 3 de agosto tocaba a base de helicópteros en Vilanova (O Barco).
Xa de boa mañá, os ilusionados cativos subían no autobús en Sobradelo para comezar a aventura da xornada xunto aos monitores. Trala viaxe chegaban á base e alí entusiasmados e expectantes, os nenos e nenas que aatendían as explicacións dos axentes, sobre o funcionamento dos helicópteros e tamén sobre o sistema para apagar lumes forestais, para o que que empregan diferentes materiais.
Ademais de actividades deportivas, lúdicas e de lecer, o campamento que estará activo ata finais de agosto, inclúe saídas e propostas formativas como esta. Iso si, cumprindo en todo momento, as medidas sanitarias fronte ao Covid.
Fotos cedidas polo Concello de Carballeda de Valdeorras.
