Na tarde deste domingo 3 de xaneiro, o CD Barco disputaba un interesante partido amigable no Estadio Municipal de Calabagueiros co filial da SD Ponferradina. Era o primeiro test de nivel do ano para os rapaces de Manolo Pérez que resolvían co 2-1 (goles de Omar) e o xogo de varios xuvenís que adestran habitualmente co primeiro equipo.
A parte negativa da tarde chegaba na segunda parte do encontro, coa lesión do capitán vermello, Rubén García. Lastimábase no xeonllo esquerdo e durante uns minutos estivo tirado no campo. Incluso se pensou en meter no campo á ambulancia para recollelo aínda que finalmente deixaba o terreo de xogo polo seu propio pé pero axudado por dous membros do corpo técnico.
Rubén, natural do Barco de Valdeorras xoga como medio centro sendo un dos piares do club (esta é a súa sexta tempada no equipo barquense). A lesión non pinta ben aínda que non se saberá o alcance ata finais de semana.
