Só falta un día falta para que abran as portas da II Festa do Casco Vello do Barco de Valdeorras. Mañá, venres 15 de xuño ás oito da tarde arrancará a cita que mestura música e gastronomía e que se estedenderá ata o domingo día 17 pola tarde.
O programa arrancará coa apertura das casetas de comida e bebida na praza Maior ao tempo que se habilitará unha zona infantil gratuíta na praza do Sagrado. E xa ese día presentarase a primeira novidade. “Aproveitando que xogan España e Portugal no Mundial de Fútbol, decidimos instalar unha pantalla xigante que poremos na praza para que a xente que veña á festa poda desfrutar do encontro”, adiantaba Manuel Páramo na presentación do evento. Seguindo coa programación do venres, para as 22h. está previsto o pregón a cargo de Xosé Luis Suárez “Sito”, dando comezo o apartado musical en torno ás 23h. Comezará coa actuación do grupo Denominación de Origen Band de Pontevedra, e o prato forte chegará na medianoite con Five Strings Band.
Máis información no seguinte enlace: https://osil.info/mais-musica-e-gastronomia-na-ii-edicion-da-festa-do-casco-vello-do-barco/
