Non pudo ser. Na tarde deste domingo 12 de novembro o técnico Lino Estévez estreábase á fronte do equipo sénior do CD Barco pero a benvida non foi a esperada e o partido comezaba cun sobresalto e remataba coa derrota 0-2 ante o CD Valladares.
Xusto no momento en que os xogadores saltaban ao terreo de xogo, tiñan que retirarse para que o helicóptero do 061 aterrara de emerxecia sobre o céspede, tendo que adiarse o encontro durante case 45 minutos.
Comezaba pois pasadas as 17:30 horas e malia controlar o balón e o xogo, eran os visitantes os que marcaban o primeiro da tarde no minuto 13. A pesar de seguir dominando, os do Barco non conseguían anotar e xa na segunda parte (minuto 48), os pontevedreses poñían o 0-2 co que remataba o partido.
A seguinte cita para os barquenses será no campo do Atlético Arnoia.