Este sábado 31 de agosto o equipo de Lino Estévez disputará un partido moi importante antes do inicio da tempada en Preferente Futgal. Será o oitavo encontro de pretempada para o CD Barco, que xogarán contra o Ponferradina B a partir das 19:30 horas no campo municipal de Calabagueiros e no descanso presentarán ao equipo filial, o CD Barco B.
O Centro de Deportes Barco saca por primeira vez nos seus 50 anos de vida un equipo filial que xogará en Terceira Galicia baixo as ordes de Ricardo Prada, o que supón todo un orgullo e compromiso para o club que preside Nilo Ramos.
A entrada para ver o partido custará 5 euros e será gratis para os socios desta tempada.
