A cabeza da clasificación no grupo 3 de Segunda Galicia está que arde, con varios equipos loitando, con moi pouca diferenza de puntos, por facerse coa liga.
Un deses equipos é o CD Córgomo Vilamartín, o equipo valdeorrés que en menos dun ano de historia ten gañado por méritos propios o seu oco no alto da táboa.
Tralo empate na pasada xornada ante o Viana, os de Jesús Álvarez teñen na vindeira fin de semana un importante partido para seguir pelexando polo ascenso. Será en Xinzo de Limia ante o Antela B o sábado 25 de marzo. “Dependemos de nós mesmos e máis que nunca precisamos da nosa afección”, aseguran dende o club que decidía poñer un bus para todo aquel que queira acompañar e animar ao equipo. Sairá ás 14:30 horas dende a praza de Córgomo e custará 8 euros por persoa.
Os interesados poden poñerse en contacto co club a través das redes sociais do CD Corgomo: Instagram, Facebook e Twitter e tamén no WhatsApp: 611 503 247.
