Trala vitoria, 1-2 da pasada xornada ante A Peroxa, a primeira da tempada, o CD Rúa esperaba poder sumar outros tres puntos ante o SD Melias, en casa, pero nada máis lonxe da realidade.
Na tarde deste domingo 29 de outubro os de Javier Ferrer saltaban ao terreo de xogo no campo Vicente Solarat Maceda dispostos a puntuar pero non foi a súa tarde. De feito perdían moitos balóns e tras varios intentos eran os visitantes os que se adiantaban no marcador co primeiro gol da tarde no minuto 19.
Co 0-1 chegaba o tempo de descanso e lonxe de mellorar, o partido empeoraba para os rueses tralo paso polo vestiario. Polémica coa afección visitante e coas decisións do árbitro, cambios inesperados no plantel amarelo, un gol en propia meta e ata a expulsión de Bruno levaron ao Rúa a encaixar cinco goles máis, fronte a 1 de Hugo no minuto 87.
Finalmente co 1-6 remataba o partido que mantén ao conxunto rues no fondo da clasificación en Primeira Galicia. A seguinte cita, será no campo da Uceira contra o Sporting Carballiño.
Fotos e vídeo: Mónica G. Bellver.
