Diferentes partidos, diferentes rivais pero resultados similares. Unha semana despois de vencer ao CD Córgomo Vilamartín en casa, no Campo das Carrelas, o CD Viana volvían ganar nun novo derbi da Segunda Galicia, pero desta volta a domicilio.
Co 0-2 remataba o partido disputado na tarde deste domingo 19 de novembro no Campo do Agro entre o CD Trives de Adilson e o CD Viana de Couso. Trala derrota da anterior xornada 2-1 no campo do Pabellón Ourense, os triveses saían ao terreo de xogo arroupados coma sempre pola súa incondicional afección e dispostos a sumar os puntos que os afasten da zona baixa da clasificación. Pola súa banda os vianeses facíano como líderes do grupo, tamén acompañados por algún afeccionado e co firme propósito de defender a súa posición no alto da clasificación.
Así comezaba o xogo e os goles non chegaban, tendo que esperar ata o minuto 29 para que Iván estrease o marcardor co primeiro gol para os celestes. O segundo, no 44′ era obra de Xurxo rematando a primeira parte co resultado favorable para o Viana, que xa non se movería.
Co 2-0 o CD Viana reafírmase como líder indiscutible e 27 puntos, a catro do segundo clasificado e unha soa derrota en dez xornadas. O seguinte partido será na casa contra o CD Vilar de Barrio.
Pola contra, o CD Trives sitúase en postos de descenso á espera do seguinte partido, no campo do Taboadela que perdía hoxe contra o CD Córgomo Vilamartín (segundo clasificado).
Fotos e vídeo: Carlos G. Hervella.
