Leva cinco anos no Barco pero dende hoxe nas súas propias instalacións, no centro do Barco. Na tarde deste venres 1 de setembro o centro de adestramento persoal “AF Training Studio by André Faria” inauguraba o novo local na céntrica praza Andrés de Prada.
Tal como explica o propio André, comezaba a súa andadura no Viveiro de Empresas e agora chegaba o momento de dar o salto trasladándose ao centro da vila, a un local de 120 metros cadrados adicados á saúde, ao deporte e á nutrición. “Pronto incorporaremos o apartado de rehabilitación para completar a dobre vertente de deporte e saúde”.
Cun equipo cualificado (todos universitarios), no centro adícanse aos adestramentos persoais. “O que facemos é adestrar co cliente de forma individual para corrixir as súas pautas e mellorar a súa calidade de vida, sempre centrándonos no apartado de saúde”, di Andrés, recoñecendo que a eles recurre moita xente que non atopa cobertura nunha macro instalación. “O 80% da nosa clientela ten algunha patoloxía ou foi ao ximnasio e non lle foi ben ou non atopa quen lle marque unhas pautas e metas a conseguir; pero tamén temos especialidades”. Embarazo e posparto co propio André, preparación de deportistas con Anxo Rodríguez e Leticia Rodríguez que traballa con maiores, “somos un equipo no que cada profesional está especializado nunha rama e tratamos de dar cobertura a moita poboación”.
O equipo está formado polos tres adestradores personais e unha nutricionista á que pronto se sumará unha fisioterapeuta. “Esperamo que se incorpore antes do Nadal”, di Faria.
Con respecto ao horario, será intenso. “Comezamos ás sete da mañá porque o demanda moita xente, paramos unha hora a mediodía e estamos ata as 21:30 horas para dar cobertura a máxima poboación”, conclúe André desexando que o local guste á clientela.
Fotos e vídeo: Mónica G. Bellver.
