OurenseÚltima hora

O centro de Ourense énchese de música e baile cos grupos participantes nas XXXVII Xornadas de Folclore

 

Unha praza Maior de Ourense ateigada acollía na noite do martes 16 de agosto as actuacións dos grupos participantes na XXXVII edición das Xornadas de Folclore, organizada pola Deputación de Ourense e o Centro de Cultura Popular Xaquín Lorenzo co apoio da Xunta.

A cita comezou cun desfile polo centro da cidade aberto pola formación de Costa de Marfil, que cos seus bailes e danzas animou ao resto de participantes. Aos africanos seguíronnos México, Colombia, Indonesia e Chile, dentro dun desfile que partiu do parque de San Lázaro ás 22,30 horas, tendo como punto e final á praza Maior.

Cada agrupación realizou un pase para os centenares de asistentes -ocupáronse todos os asentos da Praza Maior-, nunha actuación que combinou elementos de todas as tradicións folclóricas dos seus respectivos países. En global, un evento de aproximadamente 1 hora e 45 minutos, no que os ourensáns puideron afondar na cultura dos países participantes, na liña desenrolada previamente en Bande, A Rúa, Celanova, O Carballiño, Allariz, Maceda, Castro Caldelas, Viana do Bolo, Entrimo A Pobra de Trives, Xinzo, O Barco de Valdeorras e Verín.

Os grupos participantes volverán a reunirse mañá, mércores 17 de agosto, en Ribadavia para poñer no auditorio do Castelo punto e final á XXXVII edición das Xornadas de Folclore.

 

 

Artigos relacionados

Back to top button