O comunicador gastronómico Daniel del Toro, presidirá o xurado que elixirá a mellor tapa de Galicia no II Campionato de Tapas e Petiscos de Galicia, que se celebrará os días 16 e 17 de outubro en Casal de Armán (Ribadavia).
Este recoñecido cociñeiro e empresario onubense, é creador de contidos gastronómicos en forma de receitas en Cocina con Daniel del Toro, vídeos que comparte na súa conta de Instagram @danielmchef4, con máis de 207 mil seguidores e desde a súa canle de YouTube, onde acumula máis dun millón de visualizacións.
Participar como presidente na segunda edición deste certame galego é unha honra para Daniel del Toro, pero “como amante da gastronomía, como cociñeiro, é unha responsabilidade enorme e un pracer decidir xunto cos meus compañeiros cal será a mellor tapa de Galicia. Estou seguro que gozaremos dunhas propostas excepcionais, tan variadas e saborosas como a gastronomía galega, nunha contorna enogastronómico único como o é o enclave do Ribeiro na provincia de Ourense”, expresa o chef que en 2016 participou en MasterChef, sendo un dos concursantes máis aclamados polo público e polos seus propios compañeiros.
Durante a competición, repartiranse máis de tres mil euros en premios de produtos das empresas patrocinadoras e colaboradoras. O campión recibirá 1.500€ en produtos de Equip’Hotel; o segundo no podio será premiado con 1.000€ de produtos Embruxo, o aceite pontevedrés que coida a saúde das persoas e os campos galegos; e A Central Heladera obsequiará ao terceiro clasificado cun lote dos seus produtos, valorado en 500€.
Esta segunda edición do certame de gastronomía en miniatura galego é unha iniciativa da Deputación e Turismo de Ourense, co apoio de Galicia Calidade, e Estrella Galicia e Cabreiroá, como cervexa e auga oficiais.
