Arranca o Plan Concilia Verán en Parada de Sil. “Na preocupación constante que ten o Concello de para satisfacer as necesidades que van aparecendo a medida do aumento de postos de traballo sobre todo vinculados directa ou indirectamente ao turismo, ponse en marcha dende o 3 de xullo dous espazos para que as familias poidan deixar os nenos”, adiantan dende o grupo de goberno municipal.
Por unha banda, no centro de lecer de nenos, e en horario de 10 da mañán a 18 do serán, os cativos de o a 3 anos poderán desfrutar da compaña doutros nenos coa atención dunha titora que lles fará xogos e outras actividades de entretemento.
Ademais, na sala de usos múltiples do Concello os rapaces de 3 a 16 anos participarán nun campamento de verán no que realizarán actividades lúdicas e de aprendizaxe como manualidades, saídas para coñecer o concello e xogos tamén o aire libre. O horario apra este grupo será de 10h. a 14h. pero a partir de esa hora poderán incorporarse ó centro de nenos onde poderán xantar e continuar con actividades ata as 18hs.
Ambas actividades están organizadas polo Concello de Parada de Sil en colaboración coa ONG Valores que aportará os monitores. O alcalde de Parada de Sil, Aquilino Domínguez, amosa a súa satisfacción polo feito de pode levar a cabo estae programa que se incrementará con outras actividades centro do programa “Ler conta moito”, que se anunciarán de maneira inmediata xunto coa programación cultural do verán.
