O Concello de Rubiá agasalla aos nenos do CEIP Virxe do Camiño con libros en galego

Os alumnos do CEIP Virxe do Camiño de Rubiá vivían un recreo moi especial na mañá do 16 de maio. Con motivo da celebración das Letras Galegas, recibían unha visita e algunhas sorpresas. Un representante do Concello de Rubiá, Ricardo Soto, achegábase ata o centro para agasallar a cada un dos seus alumnos con libros escritos en galego.

Alumno por alumno, ialles entregando unha bolsa que contiña diversos volumes adaptados á idade de cada un deles. Nada máis recibila, os nenos, con suma satisfacción, abríana e comezaban a botarlle unha ollada aos libros que contiña.

Fotos: Carlos G. Hervella.