A través do Facebook oficial, o Concello da Pobra de Trives vén de confirmar dous positivos máis no municipio, “ámbolos dous do Centro de Saúde de Trives e residentes tamén aquí”, puntualizan.
Un deles, é un contacto directo doutros positivos anunciados en datas anteriores (que estaba agardardando resultado da PCR); e o outro, é un positivo por contaxio fóra da vila. Tal como indican dende o Concello, atópanse illados, estando pendentes máis PCR entre os contactos que tamén gardan corentena.
Así, o número de positivos no centro de saúde trivés e residentes en Trives é de 7 pero dende o Concello tamén teñen en conta aquelas persoas positivas que residen en Trives aínda que non teñen o médico alí, sumando na xornada deste 2 de novembro un total de 14: un positivo do centro de saúde de San Xoan de Río, desprazado; un positivo do centro de saúde de San Xoan de Río, residente en Río e con actividade en Trives; dous positivos do centro de saúde de San Xoan de Río, pero residentes na Pobra de Trives; un positivo do centro de saúde do Barco pero residente en Trives e con actividade en Manzaneda; un positivo do centro de saúde de Chandrexa de Queixa, pero residente na Pobra de Trives; un positivo dun centro de saúde de Ourense, pero residente na Pobra de Trives; Sete positivos do centro de saúde da Pobra de Trives e residentes na Pobra de Trives (un de eles con actividade tamén en Manzaneda, outro, ingresado aínda no Hospital comarcal).
