A alcaldesa da Pobra de Trives, Patricia Domínguez e o concelleiro de Deportes, Miguel Sierra, fixeron entrega dunha vintena de novos equipamentos deportivos aos nenos e nenas que forman parte da Escola Municipal de Atletismo. Seis deles participarán mañá no Campionato Galego que se celebra en Expourense, tanto na categoría sub12 como sub14.
O director das Escolas Municipais dende hai 16 anos, Tino Sierra, agradeceu ao Concello esta dotación deportiva coa que seguro que os cativos seguen colleitando moitos éxitos.
O adestrador, así como a alcaldesa e o concelleiro de Deportes, celebra que nenos e nenas sintan paixón por este deporte e acudan con gran ilusión a cada adestramento e mañá acompañaranos no campionato galego, no que competirán en lanzamento de peso, 60, 500 e 1.000 metros.
