Normativa, datos sobre o concello, os servizos, a composición da Corporación municipal ou novas. Son algúns dos contidos que se inclúen na nova páxina web que o Concello de Vilamartín vén de poñer en marcha: www.vilamartindevaldeorras.es.
“Dende esta páxina ademais de contar aos veciños o funcionamento do concello nos diferentes apartados, tamén irán subindo información do traballo do día a día que se está a facer neste concello. A información actualizada poderá verse no menú de inicio da propia web”, explican dende este Concello.
Asemade co fin de “mellorar a comunicación cos veciños” vén de poñerse en marcha o correo electrónico preguntalleaolalcade@vilamartindevaldeorras.es “para que todos aqueles que o desexen lle poidan enviar cuestións ao
rexedor, Enrique Álvarez Barreiro e ao seu grupo de goberno”.
