Un dos puntos clave polos que pasará a futura vía de conexión N-536 e N-120 entre Sobradelo e O Barco de Valdeorras, servíu ao delegado do Goberno Javier Losada para presentar, na mañá do 17 de xaneiro, a demandada circunvalación, aprobada en decembro no Consello de Ministros e licitada xa no BOE.
Acompañado polo alcalde do Barco Alfredo García, polo xefe de Demarcación de Estradas Ángel G. del Río e polo director da obra Constantino Pato, Losada asegurou que “estamos poñendo en marcha un compromiso que supón a mellor resposta aos que poñen en dúbida o compromiso do Goberno con Ourense e son críticos cos presupostos”. Losada insistíu en que é agora cando este proxecto “que fora anunciado unha e mil veces” farase realidade, grazas “ao esforzo do alcalde, da Demarcación de Estradas e ao compromiso do Goberno de España e Pedro Sánchez que decidiu sacar a obra do caixón no que estaba”.
Estamos a falar dunha obra presupostada en algo máis de 63 millóns de euros que comezará a executarse cos dous millóns aprobados para este ano 2019. “É unha nova importante polo investimento que supón para a zona, pola riqueza que traerá a realización das obras pero sobre todo por dar solución a un problema moi importante de tráfico pesado que ten esta zona. E todo cun proxecto construtivo moderno, respetuoso co medio ambiente e coa zona na que está”, dixo o delegado, felicitando ao alcalde pola súa “tenacidade”.
Pola súa banda, Alfredo García, adiantou que despois da licitación, hai seis meses para a adxudicación da obra co cal “no mellor dos casos comezarán despois do verán porque hai que ser realistas e repectar os tempos”, asegurando que por cartos, deseño e dificultades técnicas, “é a obra máis importante que se levou a cabo nesta comarca e no Barco en concreto, sendo fundamental xa que nos paralizaba o modelo de cidade que queremos e que comezamos a plantexar en canto vimos que ía pra adiante”. Alfredo tamén aproveitou a ocasión para dicir que “os presupostos para Valdeorras son bárbaros por esta obra e outras cousas, así que non temos máis que dar as grazas”.
O obxecto das obras é dotar dunha conexión rápida e segura ás éstradas N-536 e N-120 nas proximidades do Barco de Valdeorras que sirva ademais como variante de poboación para evitar o frecuente paso dos camións de lousa das canteiras próximas e resto de vehículos polo núcleo urbano. Cunha alta complexidade técnica, segundo os responsables da obra, o tramo ten unha lonxitude aproximada de 5,6 km. e comporase de dúas partes diferenciadas: un primeiro subtramo de 3,3 km, que é un acondicionamento e mejora da 536 desde Sobradelo; e un segundo subtramo de 2,3 km. de nova construción, que conectará coa N-120 mediante dous viaductos e un túnel. No trazado proxéctanse un total de 10 estruturas: 5 viaductos (destaca un sobre o río Sil e outro sobre o río Cigüeño), 4 pasos superiores e1 paso inferior, e 1 túnel baixo O Serro. Tamén contempla dous nudos, o segundo xa deseñado para aloxar o paso da sección da futura autovía A-76 Ponferrada-Ourense. O proxecto, inclúe a creación dun paseo peonil e un carril bici.
Fotos: Carlos G. Hervella.
