Na tarde deste mércores 16 de xuño, o restauranre El Coto de Ourense acollía a entrega de premios de Radioturismo Gastronómico, “Plato de Oro” e “Gorros Blancos”, sendo un dos premiados o Despacho de Comidas Pepa da Rúa.
A xerente do restaurante valdeorrés, Ana Fernández, recollía xunto á súa cociñeira, o “Plato de Oro” desta edición para Ourense, Lugo e norte de Portugal.
Trátanse duns premios gastronómicos a nivel nacional, que se reparten por zonas, en recoñecemento aos empresarios e profesionais que destacan por esforzarse no sector da restauración, especialmente na difícil situación pola que pasaron durante tantos meses. Na cidade de Ourense contou coa colaboración da Confederación de Hostalaría de Ourense e da Escola de Hostalaría e Turismo.