EconomíaEconomíaÚltima hora

O DOG publica o modelo de solicitude de prórroga de expedientes de ERTEs derivados do Covid

As empresas dispoñen desde hoxe e ata o 15 de outubro para solicitar a extensión dos expedientes con efecto a partires do 1 de novembro, xa que entre o 1 e o 31 de outubro o mantemento da vixencia terá carácter automático

Publicidade

O Diario Oficial de Galicia (DOG) publica neste venres 1 de outubro a orde que regula o novo procedemento para que as empresas de Galicia con expedientes de regulación temporal de emprego (Ertes) derivados do Covid-19 poidan solicitar a súa prórroga con efectos entre o 1 de novembro e ata o próximo 28 de febreiro, tras a extensión acordada polo Goberno central, que os alonga de xeito automático durante o mes de outubro.

A Xunta abriu hoxe o prazo, que se estenderá ata o próximo 15 de outubro, para recibir as peticións de prórroga dos Ertes que estiveran vixentes ata este 30 de setembro. Unha vez recibidas, a Administración galega conta con 10 días hábiles para resolver e notificar ás persoas solicitantes, ou estimar a solicitude por silencio administrativo positivo.

Na publicación de hoxe no DOG recóllese o modelo normalizado para iniciar a tramitación da prórroga dos expedientes de regulación temporal de emprego, que deberá presentarse de xeito telemático, a través da sede electrónica da Xunta de Galicia https://sede.xunta.gal.

Xunto co documento de solicitude, as persoas interesadas deberán achegar a relación das horas ou días de traballo suspendidos ou reducidos durante os meses de xullo, agosto e setembro de 2021 de cada unha das persoas traballadoras, que deberán constar debidamente identificadas e vencelladas cos seus respectivos centros de traballo.

No caso de expedientes aos cales resulte de aplicación o artigo 23 do Real decreto lei 8/2020, do 17 de marzo, de medidas urxentes extraordinarias para facer fronte ao impacto económico e social do Covid-19 (Ertes ETOP), a solicitude deberase acompañar do informe da representación das persoas traballadoras con quen se negociou o expediente.

Máis información:

https://www.xunta.gal/dog/Publicados/2021/20211001/AnuncioG0599-300921-0001_gl.pdf

Artigos relacionados

Back to top button