A tradición, a historia, os personaxes, os rituais, os días principais, xunto con imaxes e informacións. Todo o referente ao “Entrudio de Viana do Bolo” reunirase nunha nova páxina web oficial que se presentará o vindeiro 21 de maio na Casa da Cultura de Viana do Bolo, o acto de presentación da web oficial do Entrudio de Viana do Bolo.
“Con esta acción, dende o Concello de Viana do Bolo pretendemos dar a coñecer todo o referente ao que é considerado un dos Entrudios máis antigos de Galicia”, tal e como destacan dende esta administración local.
O aforo ao acto estará limitado segundo a normativa vixente (o acceso por orde de chegada) e no acto gardarase tamén a normativa sanitaria fronte ao Covid.
