Así o anunciaba a concelleira de Cultura do Barco, Margarida Pizcueta, na presentación do programa destes festexos
Na praza Maior do Barco na noite do vindeiro 13 de setembro comezarán as Festas do Cristo 2018. O pregón será o pistoletazo de saída desta celebración que congrega a multitude de persoas na vila cada ano. E desta volta o encargado de abrilas será o escultor barquense Ángel García Álvarez, máis coñecido como Xelo de Tremiñá.
Así o desvelaba no mediodía do 30 de agosto a concelleira de Cultura do Barco, Margarida Pizcueta, na presentación do programa das festas.