Cun cuarto posto saldaba a súa participación o Club Fluvial Barco na derradeira regata provincial do calendario da Copa Deputación de Piragüismo, que se celebraba esta mañá en Barra de Miño (Coles). O club valdeorrés lograba 1.267 puntos e quedábase moi lonxe dos 2.450 puntos do club ganador, o Piragüismo Ourense.
O segundo posto por clubs correspondíalle ao Club Piragüismo Fluvial Allariz (1.642 puntos), mentres que en terceira posición quedaba o Fluvial Avión-Castrelo de Miño (1.439 puntos). Finalmente, o quinto posto da clasificación por clubs era para o C.P. Fontefría.
Fotos: Fegapi.
