Aínda faltan tres meses pero o Folión Os Viticultores de Vilamartín quenta xa motores para vivir con intensidade o Entroido 2024.
Por iso teñen xa data para a V edición da Festa das Sopas de Allo, posterior ao seu encontro de folións. Será o sábado 3 de febreiro pola noite, coma sempre no pavillón municipal de O Bañadoiro cun menú a base de aperitivos, empanada, sopas de allo, chourizos cocidos, lacón asado, bebidas, bica, café e licores.
As entradas estarán á venda ata o 26 de xaneiro no bar da gasolinera de Veigamuíños e no Claudio de Vilamartín, na praza.
