O acto tiña lugar no Liceo de Ourense o 10 de marzo
Un total de dezaseis artigos de investigación reúnense no Boletín Auriense nº XLV, que edita o Grupo Marcelo Macías en colaboración coa Fundación Olga Gallego. Este volume presentábase na mañá do 10 de marzo no Liceo de Ourense nun acto no que participaban Pilar Gallego Domínguez e Pedro López, presidenta de honra e presidente da Fundación Olga Gallego respectivamente, xunto con Francisco Fariña, presidente do Grupo Marcelo Macías e Xulio Rodríguez, director do Museo Arqueolóxico Provincial de Ourense.
Neste libro, de máis de 400 páxinas, abórdanse cuestións moi diversas, pero todas elas vencelladas coa provincia: dende arqueoloxía e astronomía, pasando pola historia e ata pragas, flora e fauna.
Fotos: Carlos G. Hervella