O hipnotizador Jeff Toussaint, no Baranda

Malia estar programado dende hai xa un tempo, problemas técnicos obrigaban á Sala Baranda do Barco de Valdeorras a aprazar o monólogo de Bermúdez previsto para hoxe 2 de outubro. “Trataremos de traelo a Valdeorras o antes posible”, prometía a sala de concertos nas redes sociais.

Así, a primeira actuación do mes de outubro será mañá, sábado día 3, da man do hipnotizador Jeff Toussaint. Despois de visitar o programa “El Hormiguero” de Antena 3, no que hipnotizou a David Muñoz (Estopa) e incluso a Monaguillo (colaborador de Pablo Motos), chegará ao Barco para impactar ao público que se achegue ata o Baranda a partires das 23:30h.

As entradas están á venda en Ton y Son (4,99 euros). En taquilla o custe será de 8 euros.