Décima xornada consecutiva de baixada nos casos activos de Covid-19 na provincia. A Área Sanitaria de Ourense, Verín e O Barco conta con 2.096 pacientes con infección activa, 144 menos que onte, segundo os últimos datos, actualizados ás 18h. do 7 de febreiro, e publicados esta mañá pola Consellería de Sanidade. Así mesmo descenden de maneira notable os novos casos confirmados por PCR nas últimas 24 horas, un total de 43 (fronte aos 84 de onte).
Sen embargo soben os ingresos, hai 161 persoas hospitalizados en planta (16 máis que onte) e 20 na Unidade de Coidados Intensivos (2 máis que onte). O Hospital Público de Valdeorras rexistra 11 ingresos de pacientes en planta (1 máis que onte), o Hospital de Verín segue con 10 ingresos e o Hospital Universitario de Ourense ten 137 en planta (7 máis que onte) e 20 na Unidade de Coidados Intensivos (2 máis que onte). Finalmente, a Clínica Santa Teresa mantén 3 ingresos en planta (1 máis que onte).
O total de casos rexistrados ata o de agora na provincia ascende a 13.969, con 11.495 curados e 380 falecidos (2 máis que onte). Polo de agora lévanse realizado 187.257 probas PCR e 91.322 probas serolóxicas.
