Logo de case 2 meses sen rexistrar ningún ingreso por coronavirus, o Hospital Público de Valdeorras conta con 1 ingreso en planta, segundo os datos que vén de publicar hoxe a Consellería de Sanidade (con datos actualizados as 18h. do 17 de abril).
Por outra banda, o Complexo Hospitalario Universitario de Ourense ten 13 ingresos en planta e 6 na Unidade de Coidados Intensivos, mentres que o Hospital de Verín está libre de Covid.
Na Área Sanitaria de Ourense, Verín e O Barco contabilízanse, segundo Sanidade, 220 casos activos, dos cales 5 foron confirmados por proba PCR nas últimas 24 horas.
