Nin a chuvia nin o vento traídos ata Valdeorras pola borrasca Domingos impedían que a localidade vilamartinesa de Arcos celebrase o seu magosto tradicional, eso si a cuberto, a carón do centro social.
Organizada polas Mulleres Rurais coa colaboración da Asociación de Veciños de Arcos, da Asociación de Coveiros e do Concello, a festa por excelencia da castaña, reunía na tarde do sábado 4 de novembro a numerosas persoas que degustaron un exquisito menú no que non faltaron os bolos preñados e o viño, os doces e licores e por suposto as castañas recén asadas.
Malia o mal tempo, foi unha boa tarde de merenda e sobre todo xuntanza veciñal.
Fotos cedidas.
