En dous días consecutivos os veciños do municipio da Veiga sufrían outros tantos cortes de luz que se prolongaban durante varias horas por unha avaría. Así, o primeiro producíase entre as 7h. e as 12h. do día 6 de xaneiro e segundo iniciábase ás 7h. do 7 de xaneiro e duraba ata ás 11h. aproximadamente.
Os veciños da Veiga amosan o seu profundo malestar ante esta situación, tendo en conta ademais as baixas temperaturas que se están a rexistrar nestes días. E tamén temen que a situación de falta de luz se volva a repetir.
Dende o Concello da Veiga o seu alcalde, Juan Anta, tamén facía público, a través das redes sociais, que dende esta administración municipal se presentará unha “queixa/reclamación por escrito. En calquera caso as eléctricas teñen que ter medios para que isto non suced”, sinalaba.
