Tralo parón polas festas de Nadal, os equipos de baloncesto do MV Barco regresaban á competición na xornada deste sábado 15 de xaneiro, disputando na casa, o pavillón barquense de Calabagueiros, seis dos sete partidos previstos.
Os primeiros en xogar eran os pequenos do club, os equipos benxamín e alevín mixto, que comezaban ás 10:30 horas os seus respectivos partidos contra AB Xinzo. E xa a partir das 12 horas tocáballe o turno ao equipo cadete feminino que perdía o seu partido contra Xinzo por 34-50.
A xornada continuará mañá, domingo 16 de xaneiro, con outros catro partidos. Na casa, xogará o equipo cadete masculino contra Bosco Salesianos (15:45 horas); o alevín mixto contra Barbadás (17:30 horas) e o sénior masculino que se medirá ante o CB Escairón (19 horas).
O único partido que o club barquense disputará fóra será o do benxamín mixto que xogará contra CB Allariz (domingo 16 de xaneiro ás 12 horas).
Fotos: Carlos G. Hervella.
