O Orfeón Valdeorrés faise con 2 galardóns no certame coral de Arbo

Cinco eran as corais galegas que participaban no IV Certame de Música Coral Vila de Arbo celebrado na tarde do 15 de maio. Entre ellas estaba o Orfeón Valdeorrés, dirigido por José Ramón Mansilla, que lograba dous dos galardóns que se disputaban: o 2º premio e o premio á mellor interpretación pola obra do concurso “San Campio”, balada galega con música de Torres Creo e harmonización de José Iglesias Ramilo. Á parte do tema de concurso, o coro de Valdeorras interpretaba “Lela” harmonizada por José Ramón Mansilla, e “Sin ti” (R. Guirao).

O xurado estivo formado por José Iglesias Ramilo, Ruta Poznakova González e César Posada Figueiras, e presidido polo alcalde de Arbo, Horacio Gil Expósito.