Tras case dous anos de parón pola situación sanitaria, o Orfeón Valdeorrés vai recuperando pouco a pouco os tradicionais concertos. Volvían á actividade en novembro de 2021 actuando na Igrexa de Santo Domingo de Bonaval en Santiago de Compostela con motivo da celebración de Santa Cecilia. No mes de decembro reencontrábase co público barquense cantando panxoliñas na igrexa de Santa Rita, no acto co que O Barco inauguraba o Nadal 2021/2022, e agora, recuperan o concerto de música sacra de Semana Santa.
O programa litúrxico da Semana no Barco arrancará o xoves 7 de abril co Vía Crucis Novo a cargo do Colexio Pablo VI da Rúa na igrexa de Santa Rita (19 horas). E ao día seguinte, 8 de abril, celebrarase o Venres de Dores na igrexa de San Mauro. Ás 20 horas comezará a misa cantada polo Orfeón Valdeorrés e de seguido comezará o concerto dirixido por José Ramón Mansilla, cunha selección de temas especialmente escollidos para a ocasión: La hora de Nona (Carmelo Erzoáin), Ave María (Dante Andreo), El señor es mi luz (A. Taulé), Christus Factus Est (A. Bruckner), Misericordias Domini (Henryk Jan Botor) e Alleluia (José Ramón Mansilla)
