Dun xeito moi orixinal despedían o ano na Pobra de Trives. Facíano un día antes, o venres 30 de decembro pola tarde cun animado e colorido desfile de zancudos polas rúas da vila que remataba na praza do Reloxo cunha chocolatada para todos os asistentes.
De seguido era o turno da ambientación musical de Nadal que corría a cargo da recentemente creada charanga El Tatoo que actuaba en Trives trala súa estrea unha semana antes en Maceda.
O fin de festa, xa pola noite, corría por conta do grupo de versións Los Íñigos que daban un concerto no casco vello facendo bailar e cantar ao público.
Fotos: Concello da Pobra de Trives.
