A piques de comezar a nova tempada, o piloto francés con orixes en Valdeorras Sébastien Hernández segue poñéndose a punto ao volante do seu Peugeot 208.
A primeira carreira do Ultimate Cup Series 2022, o campionato europeo automobilístico de resistencia, que disputará xunto ao seu irmán Michael será no Circuit Paul Ricard (24-26 de marzo). Despois virán as carreiras no Circuíto de Navarra (28-30 de abril); no Circuit de Charade (14-16 de xullo); no Circuit de Mirecourt (1-3 de setembro); no Circuit de Magny-Cours (27-29 de outubro); e no Circuit du Castellet (24-26 de novembro).
Ademais de adestrar co Peugeot e tamén cun kart kz125 2 tempos, Sébastien segue compartido adestramento e pista co seu fillo Enzo de seis anos e medio, futura promesa do karting.
Fotos e vídeo cedidos.
