AutomobilismoDeportesÚltima hora

O piloto valdeorrés Félix Macías, campión de España de Rallyes Todo Terreo 2021

Aos mandos do seu Toyota Hilux Overdrive vencía no Trans Andalucía Rallye celebrado en Sevilla

 

O piloto natural de Baños (A Veiga) Félix Macías e o seu copiloto José Luis Conde, son os novos campións de España de Rallyes Todo Terreo tras impoñerse na última proba puntuable para o CERTT, o Tras Andalucía Rallye, celebrado a pasada fin de semana en Sevilla.

O equipo Macías Racing chegaba á carreira andaluza como líder do certame e malia un problema mecánico na última xornada, lograba facerse cunha nova vitoria cun tempo de 02:29:23.600. “Un palier quíxonola xogar pero ao final podemos dicir que somos campións de España de TT”, aseguraba o propio Félix a través das redes sociais, indicando que foi un ano difícil para un equipo humilde pero “con ganas e empeño demostramos que podemos chegar lonxe”.

O equipo valdeorrés competía co seu Toyota Hilux Overdrive tomando a saída na praza de España de Sevilla onde o público pudo desfrutar da experiencia de ver todos os vehículos expostos durante toda a tarde. A proba contou cunha etapa prólogo previa aos máis de 350 quilómetros cronometrados que se disputaron en dúas xornadas polas terras dos municipios de Marchena, Paradas, Fuentes de Andalucía e La Campana.

Fotos: Facebook Macías Racing.

 

Artigos relacionados

Back to top button