Trala asemblea de socios celebrada a mediados de mes, o presidente do CD Barco Nilo Ramos aseguraba que a boa situación económica do club permítelle configurar un bo plantel para que o primeiro equipo poida afrontar a vindeira tempada sen problemas e co regreso a Terceira RFEF como meta.
Nilo recoñecía que é un obxectivo “complicado” pero farán todo o que esté nas súas mans para logralo. Aínda lles faltaban 3-4 xogadores que esperan “marquen a diferenza” pero ían compoñendo o equipo pouco a pouco. E precisamente hoxe anuncian a fichaxe dun deses xogadores.
Trátase de Ricardo van der Laan, porteiro internacional sub18 portugués de 1,94 de altura que ficha polo CD Barco para fortalecer a portería. O xove futbolista formou parte da canteira do Benfica, xogou co Belenenses SAD e foi porteiro titular do Vasco de Gama, equipo de referencia na liga sénior portuguesa (2ª RFEF española).