A formación presentaba o seu novo traballo cun concerto en Ourense
A Coral de Ruada encheu esta tarde o Teatro Principal de Ourense. Máis de 200 persoas completaron o aforo para coñecer de primeira man o último traballo discográfico da formación musical. O CD-DVD “De Ruada entre amigos” reúne 18 pezas musicais interpretadas polos membros da coral en colaboración con artistas de diferentes eidos da música como Cristina Pato ou Luar na Lubre, e coa achega de coros infantís de varios colexios da cidade.
A formación ofreceu un concerto interpretando algunhas desas cantigas coa súa vestimenta tradicional. Durante o acto, os protagonistas contaron tamén coa presenza en directo dalgúns dos colaboradores do CD.
Foto: Sara Fontenla