Preto de 2.500 alumnos volvían hoxe ás clases en Valdeorras tralas vacacións estivais, datos moi similares aos do ano pasado, no que está sendo o curso escolar do regreso á normalidade tralos dous anos de pandemia.
No caso do Barco, o concello con máis poboación e por conseguinte máis estudantes, son preto de 1.100 repartidos en Infantil, Primaria, Educación Especial, ESO e Bacharelato, os que volveron hoxe á aulas. Os que o fixeron no IES Lauro Olmo do Barco de Valdeorras, coma sempre entre ilusionados e nerviosos, facíano ás oito e media da mañá deste xoves 8 de setembro.
Fotos: Carlos G. Hervella.