Pouco a pouco vaise recuperando o ritmo da competición deportiva a todos os niveis, e tamén o Downhill (Descenso en BTT) volve á palestra. Sen ir máis lonxe na fin de semana do 15 e 16 de maio celebrábase en Boticas a 2ª Taça de Portugal DHI C2.
Unha competición internacional que contou coa participación do rider valdeorrés Javier Fernández Quiroga (Bicicletas Chinquena Racing Team) na categoría elite masculina, que se estreaba este ano situándose no Top 25. Concretamente, clasificábase no posto 23º da xeral cun tempo de 00:02:22,655.
