Moi pouco puderon facer as xogadoras do Atl. Estrada na súa visita ao campo rues do Aguillón diante das valdeorresas que saíron motivadas e acabaron dominando o terreo de xogo e o partido.
Ás cinco da tarde do 2 de abril comezaba o encontro correspondente á 24ª xornada de liga na segunda división feminina e aos poucos minutos o Rúa-Valdeorras CF adiantábase no marcador cun gol de Silvia. Candela marcaba o segundo tres minutos despois e as locais apenas saían da portería visitante co cal os 10 goles que acabaron sumando (outro de Candela, dous de Carol, outros dous de Silvia, un de Isa, un de Rafaela e un de Ana B) podían ter sido moitos máis. Con este resultado, as da Estrada continúan no fondo da clasificación e as valdeorresas suman tres puntos e mantéñense no quinto posto.
Coa Semana Santa polo medio, as rapazas non volverán xogar ata o 23 de abril. O Rúa farao de novo en casa ante o Armenteira CF (penúltimo clasificado).
Fotos: Mónica G. Bellver.