O profesor José Julio Fernández Rodríguez vén de conseguir a praza de Catedrático de Dereito Constitucional, da Facultade de Dereito da Universidade de Santiago de Compostela. O acto, no que a decana Ana María Gude lle facía entrega do ramo de felicitacións tiña lugar o pasado día 4 de outubro.
Natural da Rúa, José Julio ten 25 anos de docencia na Facultade de Dereito da USC e ten publicado máis de 300 libros relacionados cos dereitos fundamentais das persoas e os dereitos ambientais e culturais, formando parte de proxectos de investigación en colaboración con Universidades de España e de Latinoamérica. Ademais foi Valedor do Pobo de Galicia e na súa etapa impulsou o proxecto da Candidatura da Ribeira Sacra Patrimonio Cultural e Ambiental da Humanidade pola UNESCO.
