Ás 18h. deste venres 14 de xullo abría as súas portas ao público o recinto do SilFest Valdeorras 2023 na praia fluvial do Malecón do Barco. A partir de aí poñíase en marcha un amplo de variado programa que se encetaba coas actividades dirixidas aos máis pequenos dentro do chamado “MiniSilfest”: pintacaras e a charla de Javier Becerra titulada “Isto é rock!”, na que intercalaba as súas intervencións con imaxes de recoñecidos grupos deste tipo de música. Despois dábase paso a xogos tradicionais.
Ademais ás 19:30h. comezaban as maridaxes entre viños e produtos de A Tenda da Rita, dirixida pola sumiller Mercedes González, cunha notable participación.
O inicio dos concertos estaba previsto para as 20:30h. da man de Yoly Saa, seguido de Wisky Caravan, ás 21:05h.
Fotos: A.R.