A Asociación de veciños As Candelas de San Xoan de Toldaos (Pantón) organizará os días 24 e 25 de xuño “O Son da Aldea”, o I Festival Cultural de Toldaos, cun amplo programa de propostas.
Así, o programa iniciarase ás 10h. do 24 de xuño cunha ruta guiada para desfrutar do patrimonio e da natureza desta zona. Ademais o 25 de xuño, ás 17:30h., terá lugar un recital poético e, ás 19:30h., o espectáculo de títeres “A vida de Rosalía” no campo do Adrio. Posteriormente, están previstas as actuacións musicais de Cadela Asasina e Xerezade.